شعور الضياع مخيف، لما كنا صغار أمي كانت تقولنا اذا شفت نفسك ضعت و تهت عني

أثبت مكانك لأنك اذا تحركت راح تضيع أكثر، أثبت عشان أقدر ألقاك

لما كبرت فهمت إن وااايد سهل إنك تضيع عن شخص وتلقاه تالي، لكن الشعور الصعب لما تضيع من نفسك

لما توصل مرحلة ما تعرف فيها منو أنت ولا شنو تبي

لما تنزل دموعك من غير سبب، مفهوم بالنسبة لك

لما تجهل شنو اللي يضحكك

لما أبسط الأشياء تحيرك لأنك فقدت ذوقك

أصعب ضياع إنك تضيع عن نفسك مو عن الآخرين

لأن وقتها كل واحد يعرفك راح يحاول يذكرك فيك.. يذكرك في نفسك وانت الرعب يسكنك لأنك ما تدري منو أنت

وعشان تلقى نفسك

“ أثبت مكانك، لا تتحرك ولا تشتت نفسك أكثر “

اهدى

تنفس

اذكر الله

يكفيك وجودك العالم العليم، بورقة وقلم اكتب كما لم تكتب من قبل

اكتب بلا قيود بلا حدود، لا تفكر شتكتب، اكتب ,,

اكتب بغض النظر ان احبيت الكتابة او لا

إن أردت اكتب دعاء وناجي البصير بحالك من خلال كلماتك

ادري انك متعود تقول الدعاء ما تكتبه لكن هالمرة جرب تكتبه