يا ترى، هل نبي الشيء يتحقق لنا بسهولة من غير تعب؟ 🤔
لو سألنا نفسنا هالسؤال بطريقة مباشرة، راح يكون الجواب: لا طبعًا، ما في نجاح بدون سعي واجتهاد.
لكن الحقيقة؟ أغلب الناس ما لهم خلق 🥰 يشوفون الناس يصير لهم نجاح بجهد ممكن.
إزين شلون نحل المعادلة؟!
بشارككم شغلة يمكن مو الكل يدركها، لكنها حقيقة موجودة.. وناس وايد يتمتعون فيها، وأنا وحدة منهم 💁🏻♀️
✅ بما أن سنة الحياة هي الحركة والسعي، خلونا نغير السؤال ونقول: شلون نسعى من غير تعب؟ 😉
تجربتي: سواء في التربية كأم، أو كصاحبة شركة، أو حتى في علاقاتي الاجتماعية… دايمًا أبذل جهد كبير بس ما أحس بالتعب، والسر في شغلة وحدة:
استحضار نية الهدف 🎯
كل مرة أسأل نفسي: ليش قاعدة أسوي هالشي؟ شنو الفايدة؟
أول ما أربط الفايدة بأهدافي، ألقي نفسي أستمتع، وأي مجهود يتحول لمتعة 😍👌
الحياة كلها اختيارات.. حتى شعورك تجاه هدفك تقدر تختاره لما تفكر بطريقة صح.
التعب مو شرط يكون رفيقك، لأن في حيل فكرية تساعدك تحقق أهدافك بذكاء بدل المشقة 😉
شاركتكم طريقتي مع نفسي وراح أشارككم طرق أبسط تناسب المرحلة الابتدائية، وأعلمهم شلون يستمتعون بالمدرسة بذكاء ومن غير ما يحسون بالجهد 👏